"Манас" күнүнө карата сынак

4-декабрь - "Манас"күнүнө карата Медициналык-фармацевтикалык колледжде  биринчи курстун студенттери арасында сынак болуп өттү. "Биз Манастын урпактарыбыз" деген ураан менен мыкты наамы үчүн төрт команда - "Аккула", "Зулпукор", "Азем" жана "Ак олпок" командалары күч сынашты. "Манас" эпосунан шыктанган бул аталыштар иш-чарага өзгөчө маанай тартуулап, салттарга болгон сый-урматты баса белгиледи.
Конкурстук программа бир нече этапты камтыды:
- командалар өздөрүн оригиналдуу тааныштырган учурашуу;
- эпостон анын эпикалык күчүн берген үзүндүлөрдү айтуу;
- чыгарманын мазмуну боюнча студенттердин билимин текшерген интеллектуалдык тур;
- Каныкейдин монологу;
- эмблеманы коргоо.
Ар бир команда өз таланттарын ачып гана тим болбостон, медицинанын келечеги улуттук маданияттын сыймыгы менен тыгыз байланышта болорун далилдеди.
Иш-чаранын эң көрүнүктүү учурларынын бири колледждин сыймыгы болгон манасчы Анжелика Жакыпекованын "Манас" айтуусу болду. Анын эпостун саптарын жандантуу чеберчилиги "Манастын" салттары жашарып, жаштардын жүрөгүнөн жаңырып жатканын дагы бир жолу баса белгиледи.
Сынактын жыйынтыгы боюнча калыстар тобу:
1-орунду "Аккула" жана "Ак Тилек"командаларына;
2-орунду "Зулпукор"командасына;
3-орунду "Азем"командасына ыйгарды.
Ошондой эле "Активдүү команда", "мыкты манасчы" жана "мыкты монолог" номинациялары боюнча атайын сыйлыктар тапшырылды.
Сынак көрсөткөндөй, медициналык-фармацевтикалык колледж - бул медицина адистерин даярдоочу жай гана эмес, Кыргызстанга жана анын бай маданий мурасына болгон сүйүү менен бириккен ар тараптуу таланттардын да ордосу.